iti105:0.1Itivuttaka 105
iti105:0.2Catukkanipāta
iti105:0.3Brāhmaṇadhammayāgavagga
iti105:0.4Taṇhuppādasutta
iti105:1.1Vuttañhetaṁ bhagavatā vuttamarahatāti me sutaṁ:
iti105:2.1“Cattārome, bhikkhave, taṇhuppādā, yattha bhikkhuno taṇhā uppajjamānā uppajjati.
iti105:2.2Katame cattāro?
iti105:2.3Cīvarahetu vā, bhikkhave, bhikkhuno taṇhā uppajjamānā uppajjati;
iti105:2.4piṇḍapātahetu vā, bhikkhave, bhikkhuno taṇhā uppajjamānā uppajjati;
iti105:2.5senāsanahetu vā, bhikkhave, bhikkhuno taṇhā uppajjamānā uppajjati;
iti105:2.6itibhavābhavahetu vā, bhikkhave, bhikkhuno taṇhā uppajjamānā uppajjati.
iti105:2.7Ime kho, bhikkhave, cattāro taṇhuppādā yattha bhikkhuno taṇhā uppajjamānā uppajjatī”ti.
iti105:2.8Etamatthaṁ bhagavā avoca.
iti105:2.9Tatthetaṁ iti vuccati:
iti105:3.1“Taṇhādutiyo puriso,
iti105:3.2dīghamaddhāna saṁsaraṁ;
iti105:3.3Itthabhāvaññathābhāvaṁ,
iti105:3.4saṁsaraṁ nātivattati.
iti105:4.1Etamādīnavaṁ ñatvā,
iti105:4.2taṇhaṁ dukkhassa sambhavaṁ;
iti105:4.3Vītataṇho anādāno,
iti105:4.4sato bhikkhu paribbaje”ti.
iti105:5.1Ayampi attho vutto bhagavatā, iti me sutanti.
iti105:5.2Chaṭṭhaṁ.