iti12:0.1Itivuttaka 12
iti12:0.2Ekakanipāta
iti12:0.3Dutiyavagga
iti12:0.4Kodhapariññāsutta
iti12:1.1Vuttañhetaṁ bhagavatā vuttamarahatāti me sutaṁ:
iti12:2.1“Kodhaṁ, bhikkhave, anabhijānaṁ aparijānaṁ tattha cittaṁ avirājayaṁ appajahaṁ abhabbo dukkhakkhayāya.
iti12:2.2Kodhañca kho, bhikkhave, abhijānaṁ parijānaṁ tattha cittaṁ virājayaṁ pajahaṁ bhabbo dukkhakkhayāyā”ti.
iti12:2.3Etamatthaṁ bhagavā avoca.
iti12:2.4Tatthetaṁ iti vuccati:
iti12:3.1“Yena kodhena kuddhāse,
iti12:3.2sattā gacchanti duggatiṁ;
iti12:3.3Taṁ kodhaṁ sammadaññāya,
iti12:3.4pajahanti vipassino;
iti12:3.5Pahāya na punāyanti,
iti12:3.6imaṁ lokaṁ kudācanan”ti.
iti12:4.1Ayampi attho vutto bhagavatā, iti me sutanti.
iti12:4.2Dutiyaṁ.