iti5:0.1Itivuttaka 5
iti5:0.2Ekakanipāta
iti5:0.3Paṭhamavagga
iti5:0.4Makkhasutta
iti5:1.1Vuttañhetaṁ bhagavatā vuttamarahatāti me sutaṁ:
iti5:2.1“Ekadhammaṁ, bhikkhave, pajahatha;
iti5:2.2ahaṁ vo pāṭibhogo anāgāmitāya.
iti5:2.3Katamaṁ ekadhammaṁ?
iti5:2.4Makkhaṁ, bhikkhave, ekadhammaṁ pajahatha;
iti5:2.5ahaṁ vo pāṭibhogo anāgāmitāyā”ti.
iti5:2.6Etamatthaṁ bhagavā avoca.
iti5:2.7Tatthetaṁ iti vuccati:
iti5:3.1“Yena makkhena makkhāse,
iti5:3.2sattā gacchanti duggatiṁ;
iti5:3.3Taṁ makkhaṁ sammadaññāya,
iti5:3.4pajahanti vipassino;
iti5:3.5Pahāya na punāyanti,
iti5:3.6imaṁ lokaṁ kudācanan”ti.
iti5:4.1Ayampi attho vutto bhagavatā, iti me sutanti.
iti5:4.2Pañcamaṁ.