1yadi manyase suvedeti dabhramevāpi nūnaṃ tvaṃ vettha brahmaṇo rūpaṃ yadasya tvaṃ yadasya deveṣvatha nu mīmāṃsyameva te manye viditaṃ ||
2nāhaṃ manye suvedeti no na vedeti veda ca | yo nastadveda tadveda no na vedeti veda ca ||
3yasyāmataṃ tasya mataṃ mataṃ yasya na veda saḥ | avijñātaṃ vijānatāṃ vijñātamavijānatāṃ ||
4pratibodhaviditaṃ matamamṛtatvaṃ hi vindate | ātmanā vindate vīryaṃ vidyayā vindate'mṛtaṃ ||
5iha cedavedīdatha satyamasti na cedihāvedīnmahatī vinaṣṭiḥ | bhūteṣu bhūteṣu vicitya dhīrāḥ pretyāsmāllokādamṛtā bhavanti ||