iti56:0.1Itivuttaka 56
iti56:0.2Tikanipāta
iti56:0.3Paṭhamavagga
iti56:0.4Paṭhamaāsavasutta
iti56:1.1Vuttañhetaṁ bhagavatā vuttamarahatāti me sutaṁ:
iti56:2.1“Tayome, bhikkhave, āsavā.
iti56:2.2Katame tayo?
iti56:2.3Kāmāsavo, bhavāsavo, avijjāsavo—
iti56:2.4ime kho, bhikkhave, tayo āsavā”ti.
iti56:2.5Etamatthaṁ bhagavā avoca.
iti56:2.6Tatthetaṁ iti vuccati:
iti56:3.1“Samāhito sampajāno,
iti56:3.2sato buddhassa sāvako;
iti56:3.3Āsave ca pajānāti,
iti56:3.4āsavānañca sambhavaṁ.
iti56:4.1Yattha cetā nirujjhanti,
iti56:4.2maggañca khayagāminaṁ;
iti56:4.3Āsavānaṁ khayā bhikkhu,
iti56:4.4nicchāto parinibbuto”ti.
iti56:5.1Ayampi attho vutto bhagavatā, iti me sutanti.
iti56:5.2Sattamaṁ.