iti57:0.1Itivuttaka 57
iti57:0.2Tikanipāta
iti57:0.3Paṭhamavagga
iti57:0.4Dutiyaāsavasutta
iti57:1.1Vuttañhetaṁ bhagavatā vuttamarahatāti me sutaṁ:
iti57:2.1“Tayome, bhikkhave, āsavā.
iti57:2.2Katame tayo?
iti57:2.3Kāmāsavo, bhavāsavo, avijjāsavo—
iti57:2.4ime kho, bhikkhave, tayo āsavā”ti.
iti57:2.5Etamatthaṁ bhagavā avoca.
iti57:2.6Tatthetaṁ iti vuccati:
iti57:3.1“Yassa kāmāsavo khīṇo,
iti57:3.2avijjā ca virājitā;
iti57:3.3Bhavāsavo parikkhīṇo,
iti57:3.4vippamutto nirūpadhi;
iti57:3.5Dhāreti antimaṁ dehaṁ,
iti57:3.6jetvā māraṁ savāhinin”ti.
iti57:4.1Ayampi attho vutto bhagavatā, iti me sutanti.
iti57:4.2Aṭṭhamaṁ.