ud5.10:0.1Udāna 5.10
ud5.10:0.2Cūḷapanthakasutta
ud5.10:1.1Evaṁ me sutaṁ—
ud5.10:1.2ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
ud5.10:1.3Tena kho pana samayena āyasmā cūḷapanthako bhagavato avidūre nisinno hoti pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.
ud5.10:2.1Addasā kho bhagavā āyasmantaṁ cūḷapanthakaṁ avidūre nisinnaṁ pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.
ud5.10:3.1Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:
ud5.10:4.1“Ṭhitena kāyena ṭhitena cetasā,
ud5.10:4.2Tiṭṭhaṁ nisinno uda vā sayāno;
ud5.10:4.3Etaṁ satiṁ bhikkhu adhiṭṭhahāno,
ud5.10:4.4Labhetha pubbāpariyaṁ visesaṁ;
ud5.10:4.5Laddhāna pubbāpariyaṁ visesaṁ,
ud5.10:4.6Adassanaṁ maccurājassa gacche”ti.
ud5.10:4.7Dasamaṁ.
ud5.10:4.8Soṇavaggo pañcamo.
ud5.10:5.0Tassuddānaṁ
ud5.10:5.1Piyo appāyukā kuṭṭhī,
ud5.10:5.2kumārakā uposatho;
ud5.10:5.3Soṇo ca revato bhedo,
ud5.10:5.4sadhāya panthakena cāti.