ud5.9:0.1Udāna 5.9
ud5.9:0.2Sadhāyamānasutta
ud5.9:1.1Evaṁ me sutaṁ—
ud5.9:1.2ekaṁ samayaṁ bhagavā kosalesu cārikaṁ carati mahatā bhikkhusaṅghena saddhiṁ.
ud5.9:1.3Tena kho pana samayena sambahulā māṇavakā bhagavato avidūre sadhāyamānarūpā atikkamanti.
ud5.9:1.4Addasā kho bhagavā sambahule māṇavake avidūre sadhāyamānarūpe atikkante.
ud5.9:2.1Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:
ud5.9:3.1“Parimuṭṭhā paṇḍitābhāsā,
ud5.9:3.2vācāgocarabhāṇino;
ud5.9:3.3Yāvicchanti mukhāyāmaṁ,
ud5.9:3.4yena nītā na taṁ vidū”ti.
ud5.9:3.5Navamaṁ.