ud1.6:0.1Udāna 1.6
ud1.6:0.2Mahākassapasutta
ud1.6:1.1Evaṁ me sutaṁ—
ud1.6:1.2ekaṁ samayaṁ bhagavā rājagahe viharati veḷuvane kalandakanivāpe.
ud1.6:1.3Tena kho pana samayena āyasmā mahākassapo pippaliguhāyaṁ viharati ābādhiko dukkhito bāḷhagilāno.
ud1.6:1.4Atha kho āyasmā mahākassapo aparena samayena tamhā ābādhā vuṭṭhāsi.
ud1.6:1.5Atha kho āyasmato mahākassapassa tamhā ābādhā vuṭṭhitassa etadahosi:
ud1.6:1.6“yannūnāhaṁ rājagahaṁ piṇḍāya paviseyyan”ti.
ud1.6:2.1Tena kho pana samayena pañcamattāni devatāsatāni ussukkaṁ āpannāni honti āyasmato mahākassapassa piṇḍapātapaṭilābhāya.
ud1.6:2.2Atha kho āyasmā mahākassapo tāni pañcamattāni devatāsatāni paṭikkhipitvā pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisi—
ud1.6:2.3yena daliddavisikhā kapaṇavisikhā pesakāravisikhā.
ud1.6:2.4Addasā kho bhagavā āyasmantaṁ mahākassapaṁ rājagahe piṇḍāya carantaṁ yena daliddavisikhā kapaṇavisikhā pesakāravisikhā.
ud1.6:3.1Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:
ud1.6:4.1“Anaññaposimaññātaṁ,
ud1.6:4.2dantaṁ sāre patiṭṭhitaṁ;
ud1.6:4.3Khīṇāsavaṁ vantadosaṁ,
ud1.6:4.4tamahaṁ brūmi brāhmaṇan”ti.
ud1.6:4.5Chaṭṭhaṁ.