ud1.7:0.1Udāna 1.7
ud1.7:0.2Ajakalāpakasutta
ud1.7:1.1Evaṁ me sutaṁ—
ud1.7:1.2ekaṁ samayaṁ bhagavā pāvāyaṁ viharati ajakalāpake cetiye, ajakalāpakassa yakkhassa bhavane.
ud1.7:1.3Tena kho pana samayena bhagavā rattandhakāratimisāyaṁ abbhokāse nisinno hoti; devo ca ekamekaṁ phusāyati.
ud1.7:1.4Atha kho ajakalāpako yakkho bhagavato bhayaṁ chambhitattaṁ lomahaṁsaṁ uppādetukāmo yena bhagavā tenupasaṅkami; upasaṅkamitvā bhagavato avidūre tikkhattuṁ “akkulo pakkulo”ti akkulapakkulikaṁ akāsi:
ud1.7:1.5“eso te, samaṇa, pisāco”ti.
ud1.7:2.1Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:
ud1.7:3.1“Yadā sakesu dhammesu,
ud1.7:3.2pāragū hoti brāhmaṇo;
ud1.7:3.3Atha etaṁ pisācañca,
ud1.7:3.4pakkulañcātivattatī”ti.
ud1.7:3.5Sattamaṁ.