ud3.5:0.1Udāna 3.5
ud3.5:0.2Mahāmoggallānasutta
ud3.5:1.1Evaṁ me sutaṁ—
ud3.5:1.2ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
ud3.5:1.3Tena kho pana samayena āyasmā mahāmoggallāno bhagavato avidūre nisinno hoti pallaṅkaṁ ābhujitvā ujuṁ kāyaṁ paṇidhāya kāyagatāya satiyā ajjhattaṁ sūpaṭṭhitāya.
ud3.5:1.4Addasā kho bhagavā āyasmantaṁ mahāmoggallānaṁ avidūre nisinnaṁ pallaṅkaṁ ābhujitvā ujuṁ kāyaṁ paṇidhāya kāyagatāya satiyā ajjhattaṁ sūpaṭṭhitāya.
ud3.5:2.1Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:
ud3.5:3.1“Sati kāyagatā upaṭṭhitā,
ud3.5:3.2Chasu phassāyatanesu saṁvuto;
ud3.5:3.3Satataṁ bhikkhu samāhito,
ud3.5:3.4Jaññā nibbānamattano”ti.
ud3.5:3.5Pañcamaṁ.