ud4.10:0.1Udāna 4.10
ud4.10:0.2Sāriputtaupasamasutta
ud4.10:1.1Evaṁ me sutaṁ—
ud4.10:1.2ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
ud4.10:1.3Tena kho pana samayena āyasmā sāriputto bhagavato avidūre nisinno hoti pallaṅkaṁ ābhujitvā ujuṁ kāyaṁ paṇidhāya attano upasamaṁ paccavekkhamāno.
ud4.10:2.1Addasā kho bhagavā āyasmantaṁ sāriputtaṁ avidūre nisinnaṁ pallaṅkaṁ ābhujitvā ujuṁ kāyaṁ paṇidhāya attano upasamaṁ paccavekkhamānaṁ.
ud4.10:3.1Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:
ud4.10:4.1“Upasantasantacittassa,
ud4.10:4.2netticchinnassa bhikkhuno;
ud4.10:4.3Vikkhīṇo jātisaṁsāro,
ud4.10:4.4mutto so mārabandhanā”ti.
ud4.10:4.5Dasamaṁ.
ud4.10:4.6Meghiyavaggo catuttho.
ud4.10:5.0Tassuddānaṁ
ud4.10:5.1Meghiyo uddhatā gopālo,
ud4.10:5.2yakkho nāgena pañcamaṁ;
ud4.10:5.3Piṇḍolo sāriputto ca,
ud4.10:5.4sundarī bhavati aṭṭhamaṁ;
ud4.10:5.5Upaseno vaṅgantaputto,
ud4.10:5.6sāriputto ca te dasāti.