ud4.7:0.1Udāna 4.7
ud4.7:0.2Sāriputtasutta
ud4.7:1.1Evaṁ me sutaṁ—
ud4.7:1.2ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
ud4.7:1.3Tena kho pana samayena āyasmā sāriputto bhagavato avidūre nisinno hoti pallaṅkaṁ ābhujitvā ujuṁ kāyaṁ paṇidhāya appiccho santuṭṭho pavivitto asaṁsaṭṭho āraddhavīriyo adhicittamanuyutto.
ud4.7:2.1Addasā kho bhagavā āyasmantaṁ sāriputtaṁ avidūre nisinnaṁ pallaṅkaṁ ābhujitvā ujuṁ kāyaṁ paṇidhāya appicchaṁ santuṭṭhaṁ pavivittaṁ asaṁsaṭṭhaṁ āraddhavīriyaṁ adhicittamanuyuttaṁ.
ud4.7:3.1Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:
ud4.7:4.1“Adhicetaso appamajjato,
ud4.7:4.2Munino monapathesu sikkhato;
ud4.7:4.3Sokā na bhavanti tādino,
ud4.7:4.4Upasantassa sadā satīmato”ti.
ud4.7:4.5Sattamaṁ.