ud6.7:0.1Udāna 6.7
ud6.7:0.2Subhūtisutta
ud6.7:1.1Evaṁ me sutaṁ—
ud6.7:1.2ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
ud6.7:1.3Tena kho pana samayena āyasmā subhūti bhagavato avidūre nisinno hoti pallaṅkaṁ ābhujitvā ujuṁ kāyaṁ paṇidhāya avitakkaṁ samādhiṁ samāpajjitvā.
ud6.7:2.1Addasā kho bhagavā āyasmantaṁ subhūtiṁ avidūre nisinnaṁ pallaṅkaṁ ābhujitvā ujuṁ kāyaṁ paṇidhāya avitakkaṁ samādhiṁ samāpannaṁ.
ud6.7:3.1Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:
ud6.7:4.1“Yassa vitakkā vidhūpitā,
ud6.7:4.2Ajjhattaṁ suvikappitā asesā;
ud6.7:4.3Taṁ saṅgamaticca arūpasaññī,
ud6.7:4.4Catuyogātigato na jātu metī”ti.
ud6.7:4.5Sattamaṁ.