ud7.2:0.1Udāna 7.2
ud7.2:0.2Dutiyalakuṇḍakabhaddiyasutta
ud7.2:1.1Evaṁ me sutaṁ—
ud7.2:1.2ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
ud7.2:1.3Tena kho pana samayena āyasmā sāriputto āyasmantaṁ lakuṇḍakabhaddiyaṁ sekhaṁ maññamāno bhiyyoso mattāya anekapariyāyena dhammiyā kathāya sandasseti samādapeti samuttejeti sampahaṁseti.
ud7.2:2.1Addasā kho bhagavā āyasmantaṁ sāriputtaṁ āyasmantaṁ lakuṇḍakabhaddiyaṁ sekhaṁ maññamānaṁ bhiyyoso mattāya anekapariyāyena dhammiyā kathāya sandassentaṁ samādapentaṁ samuttejentaṁ sampahaṁsentaṁ.
ud7.2:3.1Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:
ud7.2:4.1“Acchecchi vaṭṭaṁ byagā nirāsaṁ,
ud7.2:4.2Visukkhā saritā na sandati;
ud7.2:4.3Chinnaṁ vaṭṭaṁ na vattati,
ud7.2:4.4Esevanto dukkhassā”ti.
ud7.2:4.5Dutiyaṁ.